EMISSION CONTRASSEGN EUROPEAN INVALITS
UFICI COMPETENT: Ufici Demografic
I citadins invalits "cun capacitâts di deambulazion une vore ridote o impedide" a puedin domandâ al Comun il contrassegn invalits pal dirit di parcament tai spazis risiervâts ai disabii.
Il contrassegn al à di jessi tornât indaûr tal câs di decès dal possessôr o di cessazion dal stât di invaliditât.
Tal câs che si pierdi il contrassegn, si à di fâ denunzie ai Carabinîrs par podê otignî il duplicât.
La domande, a norme di ce che al è indicât tal DPR 151 dai 30.07.2012, e à di jessi presentade al Comun doprant il stampât alegât, e a di chel si à di zontâi il certificât medic emetût de Aziende Sanitarie di competence.
La validitât dal contrassegn e je di 5 agns, ancje se la invaliditât e je permanente; ae scjadince, e pues/e à di jessi domandade rinovazion zontant ae domande il certificât dal miedi curant che al certifichi il persisti des cundizions che a àn determinade la emission dal certificât.