DÂTS TERITORI E POPOLAZION

Altitudin: 224 m. slm
Abitants: 800
Superficie comunâl: 15,2 Km cuadrâts
Frazions e localitâts: Tarnep

POSIZION GJEOGRAFICHE

Passant fûr pe plane furlane o viazant pe autostrade A23 che dal svincul di Palme e mene a Tarvis, si viôt sul propri orizont bande Nord une mont che pe sô forme di troc di coni di piramide cui cjantons staronzâts, e pâr cuasi disseparâsi dal rest dal paisaç. Cu la sô posizion isolade fra il jet dal Tiliment e la depression dal Lât di Cjavaç, si impâr in maniere inconfondibile e si mostre diferent di dutis lis monts dulintor. Il rilêf montuôs de Mont di Sant Simeon si slargje par plui di 15 Km cuadrâts te zone gjeografiche des Prealps Cjargnelis, e al rapresente il lôr limit orientâl. La sô altitudin massime e je di 1505 m, e si jeve cetant ripit de plane aluvionâl dal Tiliment, che si slargje fra i 254 m de localitât Cason, ai 214 di Bordan. Il Teritori al è dividût tra i comuns di Bordan, di Cjavaç e di Vençon. Il so non al restarà par simpri leât ae memorie di ducj i furlans tant che epicentri dal taramot dal 1976.